UJANG NYAI NU KEUR BERJUANG
Aranjeun teu dihubungkeun ku getih
Tapi salaku indung nu boga kanyaah ka anakna
Hate asa digerihan, cai mata bari ngadoa nyurucud teu karasa
Hate indung mah sarua ngerina, sadar umur aranjeun can manjingan
Aranjeun berjuang jang kahirupan kahareup urang
Nu teu bisa diupayakeun ku jalma nu pernah mere jangji ka
urang sarerea
Nu pernah didukung ku urang sarerea
Nu ayeuna geus poho kana ayana naraka, sabab keur ngasaan
nikmat dunya
Sanajan moal aya ibar nu bisa katempo, da euweuh nu wani
nayangkeun
Hubungan batin urang bakal silih bejaan,
Bral ujang nyai miang, doa Indung/bapa pasti marengan, bakal
dianteurkeun ku sumilir angin nu marengan
Tong poho kudu silih cekelan, jaga kasalametan, tong beunang
kaangsonan sing panceg kayakinan,
Pintonkeun kapinteran tong nembongkeun otot beusi tulang
waja
Sing hasil pamaksudan, jeng salamet balik deui kana aisan